MAELFU ya watu waliolazimika kuondoka katika makaazi yao kutokana na moto mkubwa mjini Los Angeles, Marekani hawatarejea kwenye makaazi yao kwa angalau siku nne zijazo.
Mkuu wa kikosi cha zima moto wa Los Angeles Anthony Marrone amesema upepo mkali unaovuma katika eneo hilo, kunamaanisha kwamba bado eneo hilo liko chini ya hali ya tahadhari.
Mkuu huyo wa kikosi cha zima moto ameongeza kuwa, kwa wakati huu sio salama kwa watu kurudi kwenye makaazi yao.
Wazima moto wanaendelea kuudhibiti moto mkali ambao umesababisha vifo vya watu 24 huku wengine 16 hawajulikani waliko.
Idara ya utabiri wa hali ya hewa imetahadharisha juu ya kutokea kwa upepo mkali wiki hii ambao huenda ukachochea kuenea kwa moto huo.
