WANAMGAMBO wa kundi linalijiita Jeshi la Ukombozi wa Baluchistan BLA, walivamia kituo cha ukaguzi cha kijeshi kusini magharibi mwa Pakistan na kuua wanajeshi saba.
Kwa mujibu wa afisa wa polisi Habib-ur-Rehman shambulizi hilo katika wilaya ya milima ya Kalat, takriban kilomita 150 kusini mwa Quetta, mji mkuu wa Jimbo la Baluchistan, liliendelea kwa saa kadhaa na kuwajeruhi wanajeshi 18, wengine wakiachwa mahututi katika hospitali za mitaa.
Kundi la BLA kupitia barua pepe iliyotumwa kwa mwandishi wa Reuters, limedai kwamba wapiganaji wake ndio wamevamia kituo hicho cha ukaguzi.
Waziri Mkuu Shehbaz Sharif amelaani shambulio hilo.
