Na Isri Mohamed
Rais Samia Suluhu Hassan ametangaza kuwapa zawadi ya Tsh. milioni 700 Taifa Stars baada ya kufuzu AFCON 2025 ambayo michezo yake itachezwa nchini Morocco.
Taarifa ya Rais Samia kutoa fedha hizo imetolewa na Waziri mwenye dhamana ya michezo, Dkt Damas Ndumbaro aliyekuwepo uwanjani akishuhudia mbungi ikipigwa.
“Rais Samia alikuwa kwenye mkutano Brazil lakini kila baada ya dakika wasaidizi wake walikuwa wanampenyezea karatasi kumuonesha matokeo yakoje, karatasi ya kwanza ilisema Msuva amekosa goli, ya pili Feitoto kapaisha, ya tatu Mzize anawatapisha Mabeki, ya nne wakamwambia Msuva aliyekosa magoli kafunga bao”
“Rais anawapongeza sana, pili ameelekeza Bunge la Februari mualikwe Bungeni, tatu amesema leo amedondosha kwenu zawadi za pongezi Tsh. milioni 700 na mama hana mbambamba”
Hii ni mara ya nne kwa timu ya taifa ya Tanzania (Taifa Stars) kufuzu AFCON.
