Latest Posts
Kikwete chukua hatua nchi inameguka vipande
Wiki iliyopita yametokea maandamano mjini Mtwara. Maandamano haya kwa yeyote anayeyaangalia kwa jicho la kawaida yalikuwa na nia njema. Yalilenga kuwapa fursa Watanzania wenyeji wa Mkoa wa Mtwara, kueleza malalamiko yao na haja yao ya kupata faida ya gesi. Wanataka badala ya gesi kusafirishwa kutoka Mtwara kwenda Dar es Salaam bomba lisijengwe.
Kuna umuhimu wa wafanyabiashara ‘kunolewa bongo’
Hongera sana ndugu wasomaji wa JAMHURI kwa kuuanza Mwaka Mpya wa 2013. Wiki kadhaa huko nyuma tulichapisha makala katika safu hii iliyokuwa na makosa katika kichwa cha habari, hivyo kuleta usumbufu wa kimantiki kwenu wasomaji.
Kichwa hicho kilichokosewa kilisomeka hivi: “Wafanyabiashara wanapaswa “kuolewa bongo zao”. Tunapoanza Mwaka Mpya nimeona ni busara niirudie makala ile katika maana na dhana niliyoikusudia.
Mrina Annex: Kivuli cha wakware Arusha
Si mara yangu ya kwanza kufika Arusha, lakini hii ni safari yangu ya kwanza kuzuru Arusha ikiwa “imepachikwa” hadhi ya kuitwa jiji. Kwangu mimi, Arusha ni “zizi.” Kama wingi wa watu ndiyo kigezo pekee cha mji kupandishwa hadhi na kuitwa jiji, basi watawala wetu watakuwa wanakosea.
Hatari mpaka wa Sirari
*Biashara ya magendo yafanywa nje nje
*Maofisa wa TRA, polisi wahusishwa
*RPC, Meneja TRA wakiri hali mbaya
Biashara ya magendo imeshamiri katika mji wa Sirari mpakani mwa Tanzania na Kenya, huku vyombo vya dola vikionekana ama kushindwa au kushirikiana na madalali maarufu kwa jina la “mabroka”. Vitendo hivyo vinaendelea kuikosesha Serikali mapato kutokana na bidhaa nyingi kuingizwa Tanzania na hata kupelekwa Kenya kupitia “njia za panya” bila kulipiwa kodi na ushuru.
NUKUU ZA WIKI
Nyerere: Tuchague viongozi wanaostahili
“Ni dhahiri kwamba uongozi wa Chama chetu lazima ushikwe na wanachama wa CCM. Tunachoweza kukosolewa ni kwamba wakati mwingine tunachagua viongozi wasiostahili.”
Haya yalisemwa na Baba wa Taifa letu, Mwalimu Julius Nyerere, wakati akihimiza wanachama wa Chama Cha Mapinduzi (CCM) kuondokana na kasumba ya kuchagua viongozi wasiostahili.
Yah: Kama ningekuwa waziri wa dawa na matibabu…
Wanangu, poleni na kazi na hongera sana kwa kuvuka mwaka 2012. Nasikia mnapeana “Happy New Year” kila ninakopita na mnashangilia kwa nguvu, sina hakika mnashangilia kwa sababu zipi, lakini nafikiri kuumaliza mwaka siku hizi ni kazi ya ziada kutokana na maradhi na misukosuko mingi ya maisha.