Na Isri Mohamed
Kocha Mkuu wa Klabu ya KMC, Abdihamid Moalin Amewaaga rasmi wachezaji wake baada ya mazoezi ya jana na kuwaweka wazi kuwa hatakuwa sehemu ya walimu wao tena.
Moalin ambaye ameifundisha KMC kwa misimu miwili kwa mafanikio makubwa, ambapo msimu uliopita timu ilimaliza katika nafasi 5 za juu, hajawaeleza wachezaji wake kuwa ni wapi anaelekea.
Baada ya kuaga zimeibuka tetesi mbalimbali zikitaja kuwa anaenda kujiunga na moja ya klabu kubwa Afrika kusini ambayo ni Jwaneng Galaxy.
Mbali na Galaxy, Moalin pia anahusishwa na Yanga SC, kuwa anaenda kuchukua mikoba ya Miguel Gamond kwa muda, wakiendelea kutafuta Kocha mwingine.
Moalin aliletwa nchini kwa Mara ya kwanza na Azam Fc, ambapo alidumu kwa muda mfupi na kisha kujiunga na KMC.
