Madaktari wadogo nchini Uingereza wameanza mgomo wakionya kuwa kutakuwa na “athari kubwa katika utoaji huduma kwa wagonjwa”.
Mgomo huo wa siku tatu (3) umekuja huku kukiwa na tishio la migomo zaidi katika kipindi chote cha kiangazi iwapo serikali haitasusia ofa yake ya malipo.
Madaktari hao wameanza mgomo kuanzia saa 1 asubuhi jana Juni 14 na unapangwa kuendelea hadi saa 1 asubuhi Jumamosi Juni 17 ikiwa ni jumla ya saa 72.
Karibu madaktari wadogo 47,600 ambao ni wanachama wa muungano wa Chama cha Madaktari wa Uingereza (BMA) wataondoka.
Takriban huduma zote za kawaida au zilizopangwa mapema zinaweza kuathiriwa kwa njia fulani, kulingana na Profesa Sir Stephen Powis, mkurugenzi wa kitaifa wa matibabu wa NHS England.
Alisema maelfu ya taratibu za kawaida tayari zimepangwa upya lakini akatoa wito kwa watu kuhudhuria cliniki ambazo haujaahirishwa.
Aprili mwaka huu, mgomo kama huo wa madaktari wachanga uliathiri hospitali 196,000.
Mgomo huo “utakuwa na athari kubwa kwa huduma ya kawaida kwa wagonjwa na kwenye orodha ya wanaosubiri, kwani taratibu zinaweza kuchukua muda kupangwa upya na timu nyingi zinazohusika,” Prof Powis alisema.
