Balozi wa Marekani nchini Kenya, Meg Whitman, ametangaza kujiuzulu kwake, hatua aliyowasilisha kwa Rais Joe Biden na kuwafahamisha wafanyakazi wa ubalozi huo Jumatano, Novemba 13, 2024. Whitman alieleza kuwa amefurahia nafasi yake katika kuimarisha ushirikiano kati ya Marekani na Kenya, hasa katika sekta za afya, usalama, na uchumi.
Katika muhula wake, Kenya ilipata hadhi ya mshirika mkuu asiye wa NATO katika eneo la Kusini mwa Jangwa la Sahara, hatua ambayo aliitaja kama ishara ya ushirikiano wa kiusalama na kidemokrasia baina ya mataifa hayo mawili. Alijivunia pia kupunguza muda wa kusubiri viza kwa Wakenya na kufungua fursa zaidi kwa kampuni za Marekani nchini Kenya.
Hata hivyo, hatua yake imepokelewa kwa shangwe na baadhi ya Wakenya, ambao wamekuwa wakimlaumu kwa kusaidia utawala wa Rais William Ruto.
