Na Lookman Miraji, JamahuriMedia, Dar es Salaam
Ubalozi wa India nchini Tanzania, hivi karibuni umetangaza mpango wa ufadhili wa masomo wa (India-Africa Maitri Scholarship Scheme) chini ya baraza la uhusiano wa kitamaduni la India (ICCR).
Fursa hizo zimeendelea kutangazwa kwa raia wa kitanzania kuendelea na masomo ya shahada ya kwanza, Uzamili na Uzamivu katika vyuo vikuu vya India kwa mwaka wa masomo wa 2025-2026.
Hatua hiyo imekuwa ni muendelezo wa serikali India kutoa ufadhili wa masomo huku idadi ya ikiwa ni raia 85 wa kitanzania wamekuwa wakinufaika na fursa hizo ambapo idadi hiyo inatajwa kuwa ni idadi ya juu zaidi kwa mataifa ya Afrika.
Waombaji wanaweza kutuma maombi yao mtandaoni kupitia tovuti ya udhamini ya ICCR’S A2A http://a2ascholarships.iccr.gov.in, ambayo imekuwa ikifanya kazi tangu tarehe 20 Februari 2025.
Tarehe ya mwisho ya kutuma maombi ya ufadhili huu ni tarehe 30 Aprili 2025.
Waombaji wameombwa kufanya utafiti na uchunguzi wa kina juu ya vigezo maalum vya udahili vilivyowekwa na Vyuo Vikuu mbalimbali kwa kila somo, na kuhakikisha kuwa wanawasilisha nyaraka zote muhimu kama inavyotakiwa na Vyuo Vikuu pamoja na vyeti vya msingi vilivyotajwa kwenye fomu ya maombi.
Umri wa mwombaji unapaswa kuwa kati ya miaka 18 hadi 40 wakati wa kuandikishwa kwa kozi za Shahada ya kwanza na Uzamili.
Kwa upande wa programu za Uzamivu, kikomo cha umri ni miaka 50.Waombaji wa Tanzania wataweza kutuma maombi kwa vyuo vikuu/taasisi 5 kwa mpangilio wa upendeleo wao wa masomo. Kupangiwa taasisi/Chuo Kikuu fulani cha elimu kutategemea upatikanaji wa nafasi na kozi iliyochaguliwa.
Ikumbukwe kwamba udhamini huo ni pamoja na nauli ya ndege za darasa la uchumi kwenye uwanja wa ndege wa karibu na mahali pa kusoma, mbali na ada ya masomo inayolipwa kwenye taasisi na matumizi ya kila mwezi.
Wanafunzi wanaojua Kiingereza wanaweza kutuma maombi ya udahili kwani kozi hizo zitafundishwa kwa Kiingereza. Insha ya maneno 500 kwa Kiingereza imeanzishwa ili kuhakikisha ustadi wa Kiingereza.Pamoja na hayo, wanafunzi wanaweza pia kuwasilisha TOEFL au IELTS zao, nk, alama za mtihani sanifu, ikiwa zinapatikana. Ikiwa kuna maswali yoyote, waombaji wanaweza kuandika kwa [email protected].
