Na Isri Mohamed
Ni huzuni, simanzi na majonzi vimetawala katika taifa la Namibia na Afrika nzima kwa ujumla kufuatia kifo cha Baba wa taifa hilo, Samuel Shafiishuna Daniel Nujoma, kilichotokea Februari 08, 2025.
Shujaa huyu wa Afrikia ambaye watoto wa elfu mbili wamekuwa wakiisoma historia yake shujaa kwenye vitabu, amefariki akiwa na umri wa miaka 95.
Nujoma amezaliwa Mei 12, 1929 katika kijiji kidogo karibu na Etunda, katika eneo la Owamboland, wakati huo chini ya utawala wa kikoloni wa Ujerumani.
Baada ya kukamilisha elimu ya msingi, Hayati Nujoma alihamia mkuu wa Namibia unaoitwa Windhoek, akifanya kazi kama mfanyakazi wa kibarua.
Hii ilimpa fursa ya kukutana na wafanyakazi wenzake na viongozi wa kisiasa ambao walimhamasisha kujihusisha zaidi katika harakati za ukombozi.
Katika miaka ya 1950, Nujoma alijiunga na Ligi ya Vijana wa Namibia (OYGN) na kushiriki katika shughuli za kisiasa na maandamano ya kupinga utawala wa kikoloni wa Afrika Kusini.
Alikuwa mwanachama mwanzilishi wa Shirika la Watu wa Namibia (SWANU) mwaka 1959, chama cha kwanza cha kitaifa cha kisiasa kilichotetea uhuru wa Namibia.
Nujoma alikuwa mwanachama mwanzilishi na rais wa kwanza wa Jumuiya ya Watu Kusini Magharibi mwa Afrika Kusini (SWAPO) mnamo 1960, Kabla ya hapo, SWAPO ilikuwa inajulikana kama Shirika la Watu wa Ovambo (OPO).
Nujoma aliongoza SWAPO wakati wa Vita vya Uhuru vya Namibia, ambavyo vilidumu kutoka mwaka 1966 hadi 1989.
Alianzisha Jeshi la Watu wa Ukombozi wa Namibia (PLAN) mnamo 1962 akazindua vita dhidi ya serikali ya kibaguzi ya Afrika Kusini mnamo Agosti 1966 huko Omungulugwombashe, akianza baada ya Umoja wa Mataifa kujiondoa agizo la Afrika Kusini kudhibiti eneo hilo.
Kupitia uongozi wake, SWAPO iliendeleza vita vya msituni dhidi ya utawala wa kikoloni wa Afrika Kusini na ulifanya jitihada za kidiplomasia kupata uhuru kwa Namibia. Katika miaka ya 1960, Nujoma alisafiri kwenda mataifa ya Ulaya, Afrika, na Mashariki ya Kati, akiongoza harakati za ukombozi za Namibia.
Mwaka 1990, Namibia ilipata uhuru wake kufuatia mazungumzo ya amani na serikali ya Afrika Kusini na uchaguzi wa kk, Nujoma alishinda uchaguzi huo na kuwa Rais wa kwanza wa Namibia ambapo alihudumu kwa mihula mitatu.
