Na Magrethy Katengu, JamhuriMedia
Dar es Salaam
JESHI la Polisi Kikosi Cha Reli kwa kushirikiana na vyombo vingine vya ulinzi na usalama wamefanikiwa kuwakamata raia wa Tanzania , (Kenya /China) 13,kwa kosa la tuhuma za kuiba miundombinu ya reli ya SGR, TANESCO ikiwemo chuma chakavu, nyaya za shaba , raw copper bars , flat bars, Coppers wire tani 14 za nyaya za shaba zilizofungwa kwenye njia ya reli ya kisasa (SGR) katika maeneo mbalimbali .
Akitoa taarifa hiyo leo Desemba 17, 2024 Jijini Dar es salaam kwa waandishi wa habari Kamishina Msaidizi wa Polisi ACP, Kamanda wa Kikosi cha Polisi Reli Tanzania, Gallus Hyera amesema uchunguzi uliofanyika umebaini kuwa miundombinu hiyo hukatwa na watu ambao awali waliajiriwa kuwa mafundi na vibarua wakati wa ujenzi huku baadhi yao ni wafanyabiashara wa chuma chakavu hivyo kupelekea kasi ya uharibifu wa miundombinu.
“Baadhi ya wanunuzi wameweka mawakala kutafuta na kuharibu miundombinu ya SGR na TANESCO katika maeneo mbalimbali ili kuhakikisha muda wote wanapata kwa wingi nyaya hizi za shaba”alisema ACP Hyera.
Pia alisema katika operesheni hiyo Novemba 28,2024 mchana maeneo ya Mdaula Chalinze walikamatwa watuhumiwa 5 wakiwa na waya wa shaba kilo.7 na mmoja kati ya hao ni fundi umeme kampuni ya YAP MERKEZI inayotekeleza ujenzi miundombinu ya SGR na huyo ndiye aliyekamatwa na.nyaya za.shaba maeneo mbalimbali na Novemba 30,2024 Maeneo ya Visiga Mlandizi kwenye kampuni ya The African light investment Ltd inayomilikiwa na raia wa kigeni (China na Kenya ) zilikamatwa nyaya za shaba za uzito wa kilo 882.5
Hata hivyo alikamatwa Paul Joseph 28 Msukuma, mfanyabiashara wa chuma chakavi ,Supplier na wakala wa kutafuta na kuharibu miundombinu ya miradi ya serikali tukio lingine Desemba 2,2024 maeneo ya Visiga Miwaleni Mlandizi ulifanyika upekuzi kwenye nyumba inayomilikiwa na wamiliki wanthe African light investment Ltd (Raia wa China/Kenya watuhumiwa walikutwa na nyaya za shaba kilo 3787.9 na nyaya hizo zilitbuliwa kuwa zimetokana na uharibifu kwenye miradi ya SGR na TANESCO jumla wamekutwa na Nyaya Kilo 4,570.4 pamoja na raw copper bars 44 zenye uzito wa kilo 971.5.
Sambamba na hayo uchunguzi uliendelea ambapo.huko Kisemvule Mkuranga Desemba 4 mwaka huu zilikamatwa nyaya za shaba kilo 608.6(TANESCO) Kilo 37.6(SGR) na flat bars zilizozalishwa na kuyeyushwa nyaya za shaba kilo.5,517.4 kwenye kiwanda cha chuma chakavu cha Metal Chem Internationa Co.Ltd na watuhumiwa wawili wamekamatwa.
ACP Hyera ameendelea kufafanua kuwa Desemba 5, mwaka huu maeneo ya Mwenge Kinondoni zilikamatwa Copper waya kilo 65.5 toka kwa wanunuzi wa chuma chakavu na watuhumiwa 2 walikamatwa wakiwa na waya wa shaba kilo 6.5 wakiwa katika harakati za kuuza.
Aidha Desemba 13,2024 huko Kisemvule Mkuranga walikamatwa wamiliki wa kiwanda cha Balochistan Group of Industrial (BGI) kulikutwa na Copper waya kilo 61 copper bars piece 19.kilogram 141 toka kwenye gari lenye namba za usajili T.141 DQG aina ya fuso na upekuzi uliendelea kufanyika zilikamatwa tena nyaya za shaba kilo 67 na Angle bars piece 426 zenye jumla ya kilo 7728 ambazo ni zao la copper waya na shaba hiyo imejumuishwa toka kwenye miundombinu ya miradi ya SGR na TANESCO watuhumiwa wawili wamekamatwa .
“Jumla ya watuhumiwa 13 wamefikishwa mahakamani kati yao nane wamepandishwa katika mahakama ya hakimu mkazi kibaha kwa makosa ya uhujumu uchumi, huku watano wakipandishwa katika mahakama ya hakimu mkazi Kinondoni kwa makosa ya uhujumu uchumi pia” amesema ACP Hyera.
Aidha Jeshi la Polisi hilo limetoa onyo kali kwa yoyote anayejipanga kufanya uhalifu huo wa kukata nyaya za shaba kwenye miradi ya SGR na TANESCO na kusisitiza kuwa watasakwa kwa nguvu zote na kushughulikiwa kwa mujibu wa Sheria.
Katika hatua nyingine ACP Hyera alitoa rai kwa wananchi wote kuendelea kulinda miundombinu ya miradi yote ya Serikali na kufichua njama na vitendo vya uhalifu kwa wanunuzi wa vyuma chakavu kuacha mara moja kununua nyaya za shaba zinazotokana na uhalibifu wa miundombinu ya Serikali .
