Na Isri Mohamed, Jamhuri Media
Dakika 90 za mtanange wa kombe la shirikisho barani Afrika ( CAFCC ) Kati ya Simba SC vs Bravos Fc zimemalizika kwa Mnyama kupata ushindi wa bao moja kwa nunge.
Mtanange huo wa Hatua ya makundi umepigwa katika dimba la Benjamin Mkapa jijini Dar es Salaam.
Bao la Simba limefungwa kwa Mkwaju wa penati na Jean Charles Ahoua dakika ya ’27’ baada ya Kibu Dennis kufanyiwa madhambi.
Mlinda lango wa Simba, Moussa Camara ameibuka shujaa wa mchezo kwa mashabiki, baada ya kuokoa mkwaju wa penati wa Bravos FC walioupata kipindi cha pili dakika ya ’48’.
