Waziri Mkuu Kassim Majaliwa amesema mwili mmoja na majeruhi 28 wameopolewa kutoka kwenye kifusi cha jengo lililoporomoka eneo la Kariakoo, Dar es Salaam, mapema leo.
Jitihada za uokoaji zinaendelea huku juhudi zikielekezwa kuwaokoa waliobaki chini ya kifusi hicho.
Akizungumza baada ya kutembelea eneo la ajali, Majaliwa amewataka wananchi na wafanyabiashara kuwa watulivu na kuruhusu mamlaka husika kufanya kazi yao.
“Mpaka sasa, mwili wa mtu mmoja umeopolewa, na majeruhi 28 wamepelekwa Hospitali ya Taifa Muhimbili na hospitali jirani kwa matibabu,” amesema Waziri Mkuu, bila kuthibitisha idadi kamili ya walioko chini kifusi ama majeruhi waliopelekwa katika hospitali zingine.
Rais Samia Suluhu Hassan ametuma salamu za pole na kuagiza mamlaka husika kufanya kila linalowezekana kufanikisha uokoaji.
“Nimeagiza Uongozi wa Mkoa wa Dar es Salaam, Jeshi la Polisi, Zimamoto, na Hospitali ya Muhimbili kuhakikisha jitihada hizi zinafanyika kwa haraka na ufanisi
