Hatimaye China imefungua daraja lake linalopita baharini la kilomita 24 likiunganisha mji wa Shenzhen na Zhongshan katika Mkoa wa Guangdong, kusini mwa taifa hilo.
Daraja hilo linaanzia kwenye makutano ya uwanja wa ndege wa Shenzhen na kuungana na Kisiwa cha Ma’anshan huko Zhongshan. Mamlaka zilisema, mkakati huo sasa utapunguza adha ya usafiri kati ya Zhongshan na Shenzhen kutoka saa mbili hadi takriban dakika 30.
Mradi huo mkubwa una handaki moja la chini ya maji, madaraja mawili na visiwa viwili vya bandia, na kuufanya kuwa moja ya miradi migumu zaidi ya nguzo za bahari duniani. Pia inashikilia rekodi 10 za ulimwengu.
Kama mradi wa msingi wa usafirishaji katika eneo la Guangdong-Hong Kong-Macao Greater Bay Area, kiunga hicho kimeitwa “mhimili wa usafirishaji” wa eneo hilo, kikibeba jukumu muhimu la kuunganisha vituo vya mijini kwa kila upande.
Daraja hilo ni sehemu muhimu ya mtandao wa kitaifa wa barabara za mwendokasi G2518, ulioko takriban kilomita 30 kaskazini mwa Daraja la Humen na kilomita 31 kusini mwa Daraja la Hong Kong-Zhuhai-Macao.
Kiunga hicho, pamoja na miundo iliyopo kama vile Daraja la Hong Kong-Zhuhai-Macao, kitaunda mtandao wa njia za kuvuka bahari na kuvuka mto katika eneo la Ghuba Kuu, na kuongeza muunganisho wa nguzo ya jiji, alisema Deng Xiaohua, Kiongozi mkuu wa Guangdong.
